سی پیک انٹر چینج یارک کے علامتی افتتاح کے موقع پر قائد جمعیت حضرت مولانا فضل الرحمان صاحب کا مکمل بیان تحریری صورت میں
05 فروری 2022
خطبہ مسنونہ کے بعد
مہمانان گرامی، سرزمین ڈیرہ کے سپوتوں، میرے بزرگوں، دوستو اور بھاٸیو! سی پیک منصوبے کے پس منظر پر جناب اکرم خان درانی صاحب نے اور جناب طلحہ محمود صاحب نے آپ کو آگاہ کیا، مجھے تعجب اِس بات پر ہے کہ جس سی پیک منصوبے کو موجودہ حکومت نے روک دیا ہے اپنے روکے ہوٸے منصوبے پر اپنے دفتر کے اندر افتتاح کرنے کا کیا حق رکھتا ہے۔
میرے محترم دوستو! یہ آپ کی چیز ہے، یہ عوام کی چیز ہے، اور آج عوام نے خود اِس کا افتتاح کیا ہے، اِس کا کریڈٹ آپ حضرات کو جاتا ہے (نعرہ تکبیر اللّٰہ اکبر)۔
میرے محترم دوستو! اِس میں کوٸی شک نہیں کہ میاں نواز شریف صاحب کا بھرپور تعاون اِس منصوبے کے بارے میں شامل رہا ہے، اور ہم اُن کے شکر گزار ہیں، میں یہ بھی آپ کو بتانا چاہتا ہوں کہ جو منصوبہ آج رکا ہوا ہے اور اِس پہ آگے کام نہیں ہورہا، ان شاء اللّٰہ وقت آٸے گا، تھوڑا وقت باقی ہے جب ہماری حکومت ہوگی اور ہم اِس پر اَز سر نو کام شروع کریں گے ( ان شاء اللّٰہ)۔
میرے محترم دوستو! جب ہم چھوٹے تھے تو ہم سنا کرتے تھے کہ یہاں کہ عوام یہ باتیں کرتے تھے کہ پتہ نہیں پاکستان کے حکومت کو یہ علم بھی ہے یا نہیں کہ یہ علاقہ پاکستان کا حصہ ہے یا نہیں ہے۔ لیکن اِس جدوجہد کے نتیجے میں پھر اِس صوبے کے سب سے پہلے وزیراعلیٰ آپ کے اِسی سرزمین سے مولانا مفتی محمودؒ کی صورت میں بنے تھے اور آپ کے اِس پسماندہ ترین علاقے کو ایک بین الاقوامی شناخت عطا کی تھی۔
میرے محترم دوستو! مجھے یاد ہے یہاں پر مطالبے ہوا کرتے تھے گومل یونیورسٹی سے لے کر آج گومل زام تک اور سی آر بی سی نہر تک اور آج یہاں سی پیک تک جتنے بھی بڑے بڑے میگا پراجيکٹس ہیں تعلیمی ادارے ہیں، ہاسپٹلز ہیں، الحَمْدُ ِلله میں اللّٰہ کا شکر گزار ہوں کہ اِس بڑے منصوبوں کی توفیق اللّٰہ نے ہمیں عطا کی ہے (نعرہ تکبیر اللّٰہ اکبر)۔
ہم نے پسماندہ علاقوں کو ترقی دینا اپنے منشور کا حصہ بنایا ہوا ہے، یہ نہیں کہ الیکشن آٸے تو ہم نالیاں پکی کرلے اور گلیوں میں روڑے بچھانے اور کھمبا دینے کی بنیاد پر آپ سے ووٹ لے، اِس کو ووٹ خریدنا سمجھتے ہیں اور ووٹ خریدنا یہ کسی قوم کے لیے بہت بڑا عیب ہے۔ ہم قوم کو اُونچا دیکھنا چاہتے ہیں، غریب کو عزت والا دیکھنا چاہتے ہیں، مشکل یہ ہے کہ میں ایک ایسے گھرانے میں پیدا ہوا ہوں کہ گلی کوچوں کے لچھے لفنگوں کی زبان مجھے آتی نہیں ہے میں کیسے اِن کو جواب دوں۔
میرے دوستو! میں آپ کو یہ بھی بتا دینا چاہتا ہوں کہ یہ بات ذہن میں رکھ لے کہ مقابلہ ہمارے نظامی صاحب یا اِدھر سے کسی گنڈا پور کے درمیان ہے، بلکل نہیں، مقابلہ بلّے اور کتاب کے درمیان ہے (نعرہ تکبیر اللّٰہ اکبر)۔ میرے اِس وصیب کے غریبوں سُن لو میری بات، میرا پیغام سن لے، میری بات سُن لے یہاں پر آپ نے تین سال تک بلّے کی حکومت دیکھی آج غریب آدمی بازار میں آٹا لینے کے قابل نہیں ہے، آج غریب آدمی اگر بیمار ہے وہ دواٸی خریدنے کے قابل نہیں ہے، آج مہنگائی نے ملک کا وہ حشر کردیا ہے کہ آپ کا وہ روپیہ جو ڈالر کے مقابلے میں ایک سو پانچ روپے پہ کھڑا تھا آج ایک سو ستر اور ایک سو اَسّی کو چھو رہا ہے، معیشت کا بیڑہ غرق کردیا ہے، ہمارے وقت میں سالانہ ترقی کا تخمینہ ساڑھے پانچ فیصد ہوا کرتا تھا، آج سالانہ ترقی کا تخمینہ صفر سے بھی نیچے آگیا ہے، ملک کو ڈبو کر رکھ دیا ہے۔
میرے محترم دوستو! اب بتاو اگر آپ نے بلّے کو ووٹ دینا ہے پھر سُن لو تم لوگ، اگر آپ نے بلّے کو ووٹ دینا ہے، اگر آپ نے تحریک انصاف اور پی ٹی آٸی کو ووٹ دینا ہے تو پھر آپ اِس ملک کو ڈبونے اور تباہ کرنے میں اُن کے ساتھ شریک ہو جاٸیں گے، ایسا تو نہیں کرنا نا ان شاء اللّٰہ، بلکل بھی نہیں کرنا، ہر قیمت پر نہیں کرنا، کہ پاکستان کو تم نے تباہ کیا، پاکستان کی کشتی ڈبوٸی، ہم آج اِس میں آپ کے ساتھ شریک ہونے کے لیے تیار نہیں ہے۔ اور ہم نے جو بات ایک دن کہی، اور سوچ سمجھ کر کہی، اور ڈٹ کر کہی، آج بھی ہم اُس پر قاٸم ہیں اور ہمارے مٶقف میں کوٸی جول نہیں آیا، پورے استقامت کے ساتھ ان نااہلوں اور نالاٸقوں کا مقابلہ کررہے ہیں۔
میں نے ایک دن عمران خان کے بڑے قریبی دوست کو انٹرویو دیتے ہوٸے سنا اور اُس انٹرویو میں اُس نے کہا کہ میری فضل الرحمن سے کوٸی ملاقات نہیں ہے، میں اِس کے مٶقف سے بھی اختلاف رکھتا تھا کہ یہ بیرونی ایجنڈے کے ساتھ آٸے ہیں لیکن آج تین سال کے بعد جب میں ملک کو ڈوبتے دیکھ رہا ہوں تو میں اپنے قاٸد عمران خان کے بارے میں کہتا ہوں کہ یہ باہر کا ایجنڈہ لے کر آٸے ہیں یہ پاکستان کے عوام کا نمائندہ نہیں ہے (قاٸد تیری جرات کو سلام کے نعرے)۔
میں نے کٸی صحافیوں کو اینکروں کو ٹیلی ویژن پر خود سنا ہے کہ ہم نے اِس کے لیے فضا بناٸی تھی، اِس کے حق میں پروپیگنڈہ کیا، اِس کے حق میں اپنے چینلز استعمال کیے، لیکن آج ہم اپنے اوپر لعنت بھیج رہے ہیں کہ ہم نے یہ جرم کیوں کیا تھا۔
میرے محترم دوستو! ہم سوچ سمجھ کر مٶقف اختیار کرتے ہیں، ہم کسی کی خمیر سمجھنے کے بعد بات کرتے ہیں، ہم نے بارہ سال پہلے اِس کی خمیر کو سمجھا تھا، اِس کی نالاٸقی کو سمجھا تھا، اِس بات کو سمجھا تھا کہ وہ کس کا ایجنٹ ہے اور کہاں سے آیا ہے، بخدا اِس کے جانے کے بعد بھی آپ کو پتہ نہیں چلے گا کہ یہ کہاں سے آیا ہے (ایک ٹکے کے دو نیازی کے نعرے)، بھٸی دیکھو نیازی یہاں ہماری اک قوم ہے اور یہ اپنی قوم کے لیے عار بنا ہوا ہے، میں تو نیازیوں کو بڑا عزت دار قوم سمجھتا ہوں لیکن اِس کم بخت نے اپنی قوم کے لیے عار بن گیا ہے۔
ان شاء اللّٰہ یہ حالات بدلے گے اور ڈیرہ اسماعیل خان کے عوام وہ ان شاء اللّٰہ اپنا فیصلہ دیں گے اور دنیا کو دکھاٸے گے کہ اِسی ڈیرہ کے سرزمین پر پی ٹی آٸی نے ہم پر کیا نہیں کیا، یہ وہ جماعت ہے جس میں نہ تو انصاف ہے اور نہ اِس میں اب تحریک ہے، اِس سے خیر کی توقع رکھنا سب سے بڑی حماقت ہے، اور اسی طرح بد زبان لوگ، بد اخلاق لوگ، بے شرم لوگ جن کا کوٸی چہرہ نہیں ہے، ہمارے دامن پر داغ لگانا چاہتے ہیں اور خود اُن کا دامن ہی نہیں ہے اور ہم سے بات کرنا چاہتے ہیں۔
پہلے سال میں ایک دفعہ بجٹ پاس ہوتا تھا آج سال میں چار چار بجٹ پاس ہوتے ہیں، ٹیکس جمع کررہے ہیں، لوگوں پر ٹیکسوں کا بوجھ ڈال رہے ہیں، لوگوں کو تباہ و برباد کردیا، غریب آدمی کو تباہ و برباد کردیا، اور یہ عجیب حکومت ہے کہ ہر چار مہینے کے بعد ایک بجٹ لے آتی ہے، اور ابھی میں آپ کو بتادوں کہ پاکستان کے سٹیٹ بینک کو بھی انہوں نے آٸی ایم ایف کے حوالے کردیا ہے۔ اور اب اگر حکومت نے سٹیٹ بینک سے قرضہ حاصل کرنا چاہا تو سٹیٹ بینک اس کے بعد ان کو قرضہ نہیں دے گا، اور نہیں دے گا والی بات تو بعد کی ہے میں آپ کو بتانا چاہتا ہوں کہ جولاٸی 2019 سے لے کر آج تک پاکستان کے سٹیٹ بینک نے اس حکومت کو ایک روپے کا قرضہ بھی نہیں دیا، اور میں آپ کو بتانا چاہتا ہوں کہ ہمارے بینکوں میں جو زرمبادلہ کے ذخائر ہیں، Reserve ہیں ایک ایک پیسہ قرضے کا ہے قرضے کے علاوہ ہمارے زرمبادلہ میں ایک پیسہ بھی نہیں ہے، کیا ملک بنادیا، کہاں پہنچا رہے ہیں ہمیں یہ لوگ، ان شاء اللّٰہ العزیز اِن کو بھگاٸیں گے، اب یہ ملک میں نہیں ٹہر سکتے اور ہم نے چٹان بن کر اِن کا مقابلہ کیا ہے، ڈٹ کر اِن کا مقابلہ کیا ہے اور دنیا سمجھتی ہے اور میں آج بھی اُن قوتوں کو بتانا چاہتا ہوں جنہوں نے اِس قسم کے نالاٸقوں کو دھاندلی کرکے قوم پر مسلط کرنے کا جرم کیا ہے، آٸندہ احتیاط کرے ہم اِس ملک میں کسی کے غلام نہیں ہے۔ تم نے اگر ملک کو امریکہ کا غلام بنانا ہے تو ہم نے اِس ملک کو امریکہ کی غلامی سے آزاد کرنا ہے، یہ آپ کے اور ہمارے درمیان جنگ ہے۔ ہم نظریے کی جنگ لڑتے ہیں، ہم نے انگریز سے جنگ لڑی ہے، ڈیڑھ سو سال انگریز کا مقابلہ ہم نے کیا ہے اور اِس وطن عزیز کو آزاد کیا ہے، آج اِس وطن عزیز کو دوبارہ غلام نہیں بننے دیں گے ان شاء اللّٰہ۔
تو میرے دوستو! ہمیں اِن حالات میں بھرپور طور پر ایک قوم بننا چاہیے اور یہاں پر جو صورتحال ہے اِس صورتحال میں بھی آپ کو پتہ ہے انہوں نے کیا چال چلی ہے، اِنہوں نے ایک چال چلی ہے کہ اپنے صوبے کے بلدیاتی الیکشن کو دو حصوں میں تقسیم کردیا ایک پہلا مرحلہ، ایک دوسرا مرحلہ، اِن کا خیال یہ تھا کہ پہلے مرحلے میں ہم کامیاب ہو جاٸیں گے اور کامیاب ہونے کے بعد اِس کا اثر دوسرے مرحلے پر پڑے گا اور پھر دوسرے مرحلے میں بھی ہم کامیاب ہو جاٸیں گے۔ لیکن ہم نے پہلے مرحلے میں اِن کو شکست دے دی ہے اور آج جمعیت علماٸے اسلام صوبے کی سب سے بڑی جماعت ہے اور اگلے مرحلے میں بھی ان شاء اللّٰہ اِن قوتوں کو ہم شکست دیں گے۔ اب تمہیں عوام پہچان چکی ہے، اب تم جو لباس بھی پہنو، آج کل آپ کو پتہ ہے آج کشمیر کے یکجہتی کا دن بھی ہے تو آج وہ چین گیا ہوا ہے، اور پتہ ہے چین گیا ہے تو وہاں پہ آپ کے ساتھ ملاقاتیں ہونی چاہیے لیکن چین میں ہوتے ہوٸے بھی چین کی قیادت نے ویڈیو لنک پہ اُس کے ساتھ بات کی ہے براہ راست ملاقات اُس کے ساتھ نہیں کی۔ بھٸی کیوں گٸے ویڈیو لنک پہ تو یہاں سے بھی بات ہوسکتی ہے اور میں نے یہاں سے اُن کی کانفرنس میں خود شرکت کی ہے۔ میں نہ اسمبلی کا ممبر ہوں، نہ کوٸی وزیر ہوں، عام ایک پاکستانی ہوں اور میں نے چین کی کانفرنس میں یہاں پاکستان سے ایک پاکستان کی نماٸندگی کرتے ہوٸے بات کی ہے اور تم اپنے آپ کو وزیراعظم کہتے ہو اور چین جاکر بھی تمہیں چین کی قیادت نہیں ملتی، ویڈیو لنک پہ تمہارے ساتھ بات کرتی ہے، تم کو شرم آنی چاہیے ، خدا کی قسم اِن کو شرم نہیں آتی اور قوم کو شرم آجاتی ہے۔ یہ ہمارے حکمران ہیں، بھیک مانگ مانگ کر قوم کو بے عزت کردیا ہے، تو یہ اپنی قوم کے دشمن ہے، یہ اپنے ملک کے دشمن ہے اور کس طرح ملک پہ مسلط ہو جاتے ہیں۔
لہذا ہم نے اِس وطن کو اِس سرزمین کو عزت دینی ہے، اپنے علاقے کو عزت دینی ہے، اپنے وصیب کو عزت دینی ہے، اور تم کہو کہ تمہارے بلّے نے تین سال جو ہمارے ساتھ کیا ہے بس دے ہون مزید نہیں جی سکتا ہون، ہون ساڈی بس دے، ہون ساڈی جان چھوڑ، ہماری جان چھوڑ، ہمیں آپ قابل قبول نہیں ہے۔ تو میں اپنے وصیب کے لوگوں سے بھی کہنا چاہتا ہوں مزید اِس ملک کی تباہی میں اِس کا ساتھ نہیں دینا، اِس کی تباہی میں ہم نے شریک نہیں ہونا، عوام کے پاس ایک ووٹ ہوتا ہے، اِس ووٹ پر اُس کو ثابت کرنا ہوتا ہے کہ وہ ملک کے بچانے والوں کے ساتھ ہے یا ملک کے ڈبونے والوں کے ساتھ ہے، پی ٹی آٸی کو ووٹ دینا ملک کو ڈبونے والوں کا ساتھ دینا ہے، ایسا کبھی نہیں کریں گے ان شاء اللّٰہ، کوٸی محب وطن ایسا نہیں کرے گا، کبھی ایسا نہیں کرے گا۔
اللّٰہ تعالیٰ ہماری اِس سرزمین کو اور ترقی دے
ان شاء اللّٰہ آگے ہم جاٸیں گے، آپ کو یاد ہوگا ڈیرہ والوں میں جب کسی زمانے میں تقریر کرتا تھا کہ ان شاء اللّٰہ ڈیرہ اسماعیل خان کو بین الاقوامی تجارتی جنکنشن بناوں گا تو ان شاء اللّٰہ اب ہم اِس کے قریب پہنچ گٸے ہیں، اور اِس کو بناٸیں گے۔
تو اِس طریقے سے ہم بین الاقوامی ایجنڈوں کا ساتھ نہیں دے سکتے، نہ اپنے وطن اور اپنی سرزمین کے ترقی کے راستے روک سکتے ہیں، ہم ترقیوں کی طرف جاٸیں گے، آج ہم نے عوامی افتتاح کیا ہے یہ افتتاح میرا نہیں ہے یہ افتتاح آپ حضرات نے کیا ہے۔ اور ان شاء اللّٰہ آٸندہ یہاں سے آگے جاٸے گا اور آگے بھی ہم اِس کا افتتاح کرتے رہیں گے اور قوم کو اطمینان دلاٸیں گے کہ ان شاء اللّٰہ ترقی کا سفر جاری رہے گا، اور ترقی کا راستہ روکنے والوں کو منہ کی کھانی پڑے گی، اِن کے لیے اب مزید ملک پر مسلط رہنے کا کوٸی حق حاصل نہیں ہے۔
اللّٰہ تعالیٰ اِس ملک کو، اِس صوبے کو، اِس ضلع کو ترقیوں سے سرفراز فرماٸے اور اللّٰہ تعالی یہاں آبادی کا سماں قاٸم فرماٸے۔ ایک دفعہ پھر آپ تمام جنوبی اضلاع سے آٸے ہوٸے اور پنجاب سے آٸے ہوٸے جو مہمان ہیں میں ایک بار پھر اُن کا شکریہ ادا کرتا ہوں جنہوں نے سی پیک کے اِس حصے کی افتتاح میں ہمارا ساتھ دیا اور ہمارے ساتھ سفر میں شریک رہے اور یہاں اِس اجتماع میں ہمارے ساتھ شریک رہے، بہت بہت شکریہ
واخر دعوانا ان الحمد للہ رب العالمین۔
ضبط تحریر: #سہیل_سہراب
ممبر ٹیم جے یو آٸی سوات
#teamjuiswat
.jpeg)
ایک تبصرہ شائع کریں