ملتان: قاٸد جمعیت حضرت مولانا فضل الرحمٰن صاحب کا اہم پریس کانفرنس 25 ستمبر 2022

ملتان: قاٸد جمعیت حضرت مولانا فضل الرحمٰن صاحب کا اہم پریس کانفرنس 

 25 ستمبر 2022

نحمدہ و نصلی علی رسولہ الکریم

ابتداٸی مرحلے میں اُن کی خوبصورت باتوں میں اکر اُس کو تاٸید کرتی ہو، تو یہ چیزیں ملک میں چلتی ہے اور پارليمنٹ میں بھی جو کچھ خواتين ہوتی ہیں، جو ایک نظریے کی ہوتی ہے اور اُس کا تعلق پیشے سے کسی ایک این جی او کے ساتھ ہوتا ہے، اور وہ ہر پارٹی کو اُس کی رکنیت ہوتی ہے، لیکن اُس کا مشن سب کا ایک ہوتا ہے، وہ اپنے پارٹی میں لابنگ کرتی ہے، اور پھر اُس کے لیے بھی حکمت عملی بناتی ہے کہ جس دن کورم پورا نہ ہو، چھٹی کا دن آنے والا ہو، اکثر ممبران جاچکے ہو، مذہبی لوگ وہاں موجود نہ ہو، تو کوشش ہوتی ہے کہ اُس ماحول میں اُس کو نکال لے اور خاموشی کے ساتھ اِس قسم کی چیزیں آجاٸیں، یہ ہماری بدقسمتی ہے حالانکہ وہ عوام کا نمائندہ ادارہ ہوتا ہے اُس میں جو چیز بھی ہو کھل کر لاٸی جاٸے، اور مجھے علم ہے کہ بعض چیزیں میری موجودگی میں جس طریقے سے یہاں اسمبلی میں لانچ کرنے کی کوشش کی گٸی اور جس طرح ہمیں چپٹی قسم کی باتوں سے ورغلانے کی کوشش کی گٸی، لیکن ہم اُن کے سامنے ڈٹ گٸے اور انہوں نے واپس کردیے ہیں، اور پھر پتہ چلا ہے کونسا این جی او اُس کے پیچھے تھا، این جی او کی کونسی خواتین اُن کے پیچھے تھی، تو یہ ساری چیزیں ہماری زندگی میں ہمارے اوپر گزری ہے، اِس حوالے سے ہمارے مشاہدات ہیں، آپ خود بتاٸے کہ 1988 سے میں اسمبلی میں ہوں، اور مختلف اوقات میں اِس قسم کی چیزیں سامنے آتی رہی ہے، تو اِس کا ہمیں ایک تجربہ ہے کہ کس طریقے سے واردات کی جاتی ہے، تو یہ ایک وارداتی قسم کا ایکٹ تھا جو اُس وقت پاس کیا گیا تھا، اور آج جب وہ ہاٸی لاٸٹ ہوا ہے تو اِس پر ان شاء اللّٰہ ایک بڑا اچھا ردعمل سامنے آرہا ہے، یہ قرآن و سنت سے اختلاف نہیں بلکہ اُس سے بغاوت کا نام اُسے دیا جاسکتا ہے، یہ اللّٰہ پاک کے اُمور تکوینیہ کو چیلنج کرنی والی بات ہے، تو اُس پر ماہرین نے، علماء نے بھی، جمعیت علماء اسلام کی طرف سے باقاعدہ ایک ترمیم تیار کرلی ہے، اور یہ ترمیمی بِل ان شاء اللّٰہ ایک آدھ دن میں آپ کے سامنے رکھے گے۔

صحافی کا سوال: مولانا صاحب آپ اپوزیشن میں تھے تو مہنگائی کے خلاف آپ نے کافی تحریکیں شروع کی، اب عوام کو مہنگائی کی چکی میں پیسا جارہا ہے، عالمی منڈیوں کی بات کرے تو پٹرول کی قیمتیں کم ہورہی ہے لیکن پاکستان میں مسلسل بڑھ رہی ہے، پٹرول کی قیمتیں بڑھنے کی وجہ سے سارے اشیاء کی قیمتیں بڑھ جاتی ہے، جس سے عام عوام پریشان ہے۔

قاٸد جمعیت کا جواب: میں آپ کی مکمل تاٸید کرتا ہوں اور میں حکومت میں ہوتے ہوٸے اِس بات پر پریشان ہو، اور جو جنگ ہم اندر لڑ رہے ہیں وہ میں آج آپ کے سامنے بیان بھی نہیں کرسکتا کہ ہم اِس حوالے سے کیا مٶقف رکھتے ہیں، لیکن کیا مجبوریاں ہیں، کس طرح ہمیں اُس نیٹ ورک کے اندر جکڑا گیا ہے کہ اُس میں ایک پوری ریاست کو بےبس کردیا گیا ہے، یہ ساری چیزیں ایسی ہیں کہ جس سے ہمیں نکلنے کے لیے ایک قومی یکجہتی کی ضرورت ہے، یہ میں آپ کو واضح کردینا چاہتا ہوں کہ جب مہنگائی کے خلاف ہم نے لانگ مارچ کیا تھا، تو میری اُس وقت بھی ایک سیاسی کارکن کی حیثیت سے یہی راٸے تھی کہ دیکھیے جمعیت علماٸے اسلام نے آزادی مارچ کیا تھا، اُس آزادی مارچ کے پیچھے ایک نظریہ ایک تصور موجود تھا، مہنگائی ایک معروضی ایک ایسی مشکل ہے جس کے تانے بانے ریاست اور اُس کے اداروں سے ملتے ہیں، نتیجہ یہ ہوگا کہ آپ مہنگاٸی کے نام پہ تحریک تو اُٹھا لینگے لیکن اگر آپ ہی کی حکومت آگٸی کیونکہ عوام تو ظاہر ہے مہنگائی سے تنگ ہوتے ہیں وہ تو آپ کو سپورٹ کرلیں گے، لیکن پھر جب آپ کی حکومت آٸے گی تو پھر یہی مشکل آپ کے لیے ہوگی، تو میں نے اُس وقت بھی یہی مشورہ دیا تھا کہ آپ جو عنوان لے کر میدان میں آرہے ہیں یہ کہیں آپ کے اپنے گلے نہ پڑ جاٸے، اور وہی کچھ اب ہورہا ہے کہ ہمارے اپنے گلے پڑ رہا ہے، لیکن تاہم میں نے پہلے جیسے آپ کے سوال کے جواب میں آپ سے کہا کہ اگر اسحاق ڈار صاحب آرہے ہیں، تو وہ بھی اِس حکومت کے مہنگائی کے چیلنج کا مقابلہ کرنے کا ایک جذبہ دکھا رہا ہے کہ کسی طریقے سے ہم اِس صورتحال سے نکلے، آٸی ایم ایف کو کس طرح چیلنج کیا جاٸے، اُن کے مقابلے میں ریاست کیسی کھڑی ہو جاٸے، اُس کے اندر یہ توانائی کیسی آٸے، افغا نستا ن بھی تو ملک چل رہا ہے، دنیا اُن کو تسلیم بھی نہیں کرتی، لیکن ان کا 88 میرے خیال میں افغا نی ایک ڈالر کے برابر ہے، اِن حالات میں کہ بیس سال وہاں جنگ بھی رہی ہے، ایران بھی تو وقت گزار رہا ہے چالیس سال سے وہاں انقلاب آیا ہوا ہے، اور وہ مخالفت، عالمی پابندیاں وغیرہ وغیرہ سب کچھ برداشت کرکے ہم سے بہتر چل رہے ہیں، اور آج ہماری صورتحال یہ ہے کہ ہر لحاظ سے دنیا کے ساتھ ایڈجسٹمنٹ کے باوجود ہم اِس مشکل میں کیوں جارہے ہیں، افسوس یہ ہے کہ ماضی میں ہماری جو ریاستی سطح کی پالیسیاں ہیں اُس میں اتنی کمزوریاں رہی ہیں کہ آج ہمیں یہ دن دیکھنے پڑے اور یہ دن بھی جب ہم سب کچھ سنبھال رہے تھے تو کسی کو نہیں بھایا کہ نواز شریف کے حکومت میں سی پیک آیا، پیسہ ایک سو چھ روپے پہ مستحکم ہوگیا تھا، نواز شریف کے حکومت میں میگا پراجيکٹس آگٸے تھے، معاشی لحاظ سے پیسہ گردش میں آگیا تھا، لوگوں کو کاروبار مل رہے تھے، یہ سب کچھ ہونے کے باوجود ہم نے ایسے کام کیوں کیے کہ جس سے ملک کے اندر ایک سیاسی عدم استحکام آگیا، تو سب سے پہلے آتا ہے سیاسی عدم استحکام، اُس کے بعد آتا ہے معاشی عدم استحکام، سو سیاسی عدم استحکام پانامہ کے ذریعے لایا گیا اور معاشی عدم استحکام عمران خان کے ذریعے لایا گیا، اور جب یہ دونوں مرحلے اگر مکمل ہو جاتے ہیں تو پھر ریاست کی ناکامی پر جاکر نتیجہ پہنچتا ہے، لیکن پاکستان کے بارے میں ایک بات آپ حضرات سے عرض کردو، پاکستان جغرافيائی لحاظ سے اپنی ایک اہمیت رکھتا ہے اور دنیا کی اِس قدر انوسٹمنٹ پاکستان کے اندر ضرور ہے کہ وہ اُس کو خود دیوالیہ نہیں ہونے دیں گے کہ یہ اُن کے مفاد میں نہیں ہوگا، وہ ہر قیمت میں پاکستان کو اِس پوزیشن میں رکھے گے کہ اُن کی سرمایہ کاری مکمل طور پر ضائع نہ ہو جاٸے، تو یہ چیزیں ہم کنٹرول کرسکتے ہیں لیکن ہم اپنی ریاست کے طاقت کو سمجھے، اُس کی اہمیت کو سمجھے اور ایک قومی یکجہتی کے ساتھ ہم اِس چیلنج کا مقابلہ کرے۔

صحافی کا سوال: مولانا صاحب یہ بتاٸے کہ نومبر میں بڑی تبدیلی آرہی ہے، اِس حوالے سے حکومت نے آپ کے ساتھ کوٸی مشاورت کی ہو، وزیراعظم نے کوٸی مشاورت کی ہو، وزیراعظم نواز شریف سے مشاورت کرنے گٸے تھے، نومبر والی تبدیلی کا فیصلہ نواز شریف کریں گے یا پی ڈی ایم

قاٸد جمعیت کا جواب: نومبر والی تبدیلی روٹین کی تبدیلی ہوگی، نومبر والی تبدیلی میرٹ پہ ہوگی، آٸین کے مطابق ہوگی، اور وزیراعظم کے اختیار سے ہوگی۔

صحافی کا سوال: اچھا مولانا صاحب عمران خان کہہ رہے ہیں لانگ مارچ کرنے جارہا ہو، پر وہ کہتے ہے تین وکٹیں گراوں گا، اِس پہ آپ کیا کہتے ہیں ؟

قاٸد جمعیت کا جواب: اب آپ مجھے بتاٸے کہ ایک کلنڈرہ اگر ملک کی سیاست میں آتا ہے تو پوری سیاست کے اصطلاحات کو تبدیل کردیتا ہے، اب ہم نے ہر بات اِس پہ کرنی ہے وکٹیں گرانا، پتہ نہیں آپ کو تو وہ الفاظ آتے ہوگے مجھے تو یہ الفاظ بھی نہیں آتے، تو اِس قسم کی کلنڈرہ سیاست پاکستان میں آگٸی ہے کہ ہماری سیاست کے ٹرمینالوجیز کو اُس نے تبدیل کیا ہے، پھر اِس کے پیچھے نوجوان نسل کو لگانا، یا یہ سوچنا کہ ہماری نٸی نسل ، وہ تو گمراہی کا راستہ ہے، وہ تو ذلالت کا راستہ ہے، اور کہتا ہے میں ریاست مدینہ، ریاست مدینہ میں کوٸی ایک قانون سازی شریعت کے مطابق دکھا دیتے ناں، ایک قانون سازی جی، بس میں آزادی دلارہا ہوں، غلام ابن غلام ابن غلام اپنے سٹیٹ بینک کو بیچ دیا، آٸی ایم ایف کو اپنے دستاویزات دے دیے، ابھی امریکہ کے خلاف عوام میں نکل کر کہہ رہا ہے میرے خلاف سازش ہوٸی ہے، اور امریکہ کے خلاف سازش کے بعد امریکہ ہی کے اندر آپ نے ایک فرم کو لابنگ کے ہاٸر کیا ہے، اور پھر جب سفیر صاحب آپ کے گھر آتے ہیں تو آپ ریڈ کارپٹ اُس کے سامنے بچھاتے ہیں، تو یہ ساری چیزیں اندر اندر کچھ اور باہر باہر کچھ، تو باہر باہر سے آزادی اندر اندر سے غلامی، منافقت اور کس چیز کا نام ہے، آپ بظاہر کچھ اور دکھا رہے ہیں اندر کی حقیقت کچھ اور ہیں، اندر سے آپ غلام ہیں اور زبان سے آپ آزادی کی باتیں کرتے ہیں، اور پھر الفاظ بھی نہیں آتے، بات کرتے ہوٸے کبھی کبھی کہتے ہیں اسلامک ٹچ لگاو، اُس کا وہ ٹچ خراب ہو جاتا ہے، اب یہ ٹچ ہے جو لگارہا ہے امریکہ سے آزادی دوں گا، رسول اللہ سے آزادی دوں گا، اللّٰہ سے آزادی دلاوں گا، اِس قسم کی جہالت پر مبنی جملے، کہ آپ کو الفاظ کا انتخاب بھی نہیں آتا کہ میں جملہ کیسے ادا کرو، اور میرا جملہ دنیا کو کیا میسج دے رہا ہے، تو اِس قسم کی جاہلانہ قسم کی گفتگو وہ روزانہ لوگوں کو سنا رہا ہے اور لوگ اُس کو سن رہے ہیں، ایک طبقہ ہمارے ہاں ہے جو اس قسم کی چیزوں کے پیچھے دوڑتا ہے، تو ردعمل میں ہمیں صحیح ردعمل دینا چاہیے، مہنگائی ہے، بڑھی ہے، جو بھی اُس کے اسباب ہے لیکن اِس کا یہ معنی نہیں ہے کہ ہم اِس مہنگائی پر ردعمل دے کر پرانے تجربہ شدہ کے پیچھے لگ جاٸے کہ جس نے ملک کو تباہ کیا اور اُس کے نتائج ہم آج تک بھگت رہے ہیں، تو ساڑھے تین سالوں میں جو خرابیاں لاٸی گٸی آپ کہہ رہے ہیں ساڑھے تین مہینوں میں ٹھیک کیوں نہیں ہوگٸی، تو ابھی تو اُس کے اثرات جارہے ہیں، اب پاکستان میں آپ چیزیں لاٸے، انوسٹمنٹ لاٸے، جو ہمارے ملک کے اپنے وسائل ہیں اور جو اپنی نعمتوں سے ہمیں اللّٰہ نے نوازا ہے اُن کو ہم حرکت میں لاٸے، اُن کو ہم استعمال میں لاٸے، تاکہ ملک کے اندر اکانومی کو اُٹھا سکے، ایک بات ذہن میں رکھیے یہ جو اِس وقت حکومت ہے یہ قلیل المدت حکومت ہے، یہ وہ حکومت نہیں جو آپ سمجھے کہ پانچ سالوں کے لیے منتخب ہے، قلیل المدت حکومت میں ہمارا مشورہ اپنے حکومت کو یہی ہے آپ قلیل المدت منصوبے بناٸے، اگر آپ طویل المدت منصوبوں کی طرف چلے گٸے تو پھر یہ جو لوگوں کو فوری مشکل ہے اِس پر قابو پانا آپ کے لیے مشکل ہو جاٸے گا، تو اِس کے لیے اگلے انتخاب میں جانا ہے، اگلے نظام میں جانا ہے، جمہوریت کو طاقتور بنانا ہے، اور یہ جو کہتے ہیں کہ الیکشن، اب الیکشن کیا مانگتے ہو اگر آپ کا الیکشن کا بہت شوق ہے تو پنجاب کی اسمبلی تو آپ کے ہاتھ میں ہے، خیبر پختونخواہ کی اسمبلی تو آپ کے ہاتھ میں ہے، تو وہاں الیکشن کیوں نہیں کراتے، تم ہنگامہ برپا کررہے ہو تو بسم اللہ، کیوں نہیں کرسکتے، یہاں مرکز میں آپ استعفے دینے کی بات کرتے ہیں، اب استعفے بھی دے دیے ہیں، استعفے لیکر نو حلقوں پر الیکشن بھی لڑرہے ہیں، ایک حلقے سے پیٹ بھی نہیں بھرتا، تو ایک طرف اسمبلی غلط، دوسری طرف اسمبلی میں جانے کے لیے نو حلقے، یہ صرف تخریب کے لیے ہوسکتا ہے، اور پھر جب وہ بھی بات نہیں بن رہی، اُس سے بھی کوٸی سیاسی فاٸدہ اُس کو نہیں مل رہا، تو پھر جس طرح آپ سراٸیکی لوگ کہتے ہیں کہ وہ ایک مرد گھر سے ناراض ہوگیا تھا، تو ایک دو دن کے بعد وہ تھک گیا اور گھر آنے کو جی چاہ رہا تھا، تو شام کو جو گاٸے وغیرہ گھر واپس آتی ہے تو اُس کا دُم پکڑ لیا اور دُم پکڑ کر اُس کے پیچھے پیچھے آرہا ہے اور میں نے گھر نہیں جانا، گھر نہیں جانا، یہ وہی بات ہے جو کل انہوں نے اسمبلی میں کہی ہے، تو اُس قسم کے لوگوں سے ہمیں واسطہ پڑا ہے۔

صحافی کا سوال: مولانا صاحب ایک تو پنجاب اور وفاق کے درمیان شدید محاذ آراٸی کی صورتحال پیدا ہے، دوسرا سوال یہ ہے کہ جیسے آپ نے ابھی نو حلقوں کی بات کی، ضمنی الیکشن میں پی ڈی ایم کے امیدوار بھی موجود ہیں، تو ضمنی الیکشن کے حوالے سے کیا توقعات ہے اور کیا پیغام دیں گے۔

قاٸد جمعیت کا جواب: جن حالات میں اِس وقت ہم پھنس گٸے ہیں، حکومت کو جن چیلنجز کا سامنا ہے، حکومت پوری طرح انتخابی حلقوں کو توجہ دینے کی پوزیشن میں نہیں ہے یہ بات ایک حقیقت ہے، کیوں کہ انتخابی حلقہ ایک بھرپور توجہ چاہتا ہے، لیکن جو حالات ہے جس سے ہم گزر رہے ہیں، جس طرح کراچی میں الیکشن ہوا آپ اُس کا ٹرن آوٹ دیکھ لے کتنا کم ہے، تو اِس طرح عوام کی دلچسپی اِن چیزوں میں نہیں ہے، اور دوسری چیز معروضی حالات بہت زیادہ اُس میں کاونٹ ہوتے ہیں، تو یہ ہمارے نزدیک کوٸی بڑا معیار نہیں ہے لیکن ان شاء اللہ العزیز ہم نے فیصلہ یہی کیا ہے کہ جو پی ڈی ایم میں شامل جماعتیں ہیں اور وہ 2018 میں رنر اپ تھی تو اُس کے کنڈیڈیٹ کو سپورٹ کیا جاٸے گا، اور یہاں ملتان میں بھی ان شاء اللہ ایسا ہی ہوگا۔

صحافی کا سوال: مولانا صاحب یہ افواہ اسلام آباد میں کہ عمران خان کی آرمی چیف سے دو دفعہ ایوان صدر میں ملاقات ہوٸی، کیا اِس کی خبر آپ کو ہے ؟

قاٸد جمعیت کا جواب: یہ افواہیں تو ہم نے بھی سنی ہے، اگر آپ تک پہنچی ہے تو مجھ تک بھی پہنچی ہوگی، لیکن اِس کے ساتھ یہ افواہ بھی سن لو کے بے نتیجہ ثابت ہوٸی۔

صحافی کا سوال: مولانا صاحب یہ بتاٸیے گا حکومت کی جانب سے عوام پر مسلسل ٹیکس لگاٸے جارہے ہیں کبھی بجلی کے بلوں، لیکن اپنی طرف سے جو ہے انہوں نے ٹول ٹیکس معاف کروا لیا ارکان اسمبلی کے لیے اور سینیٹرز کے لیے، دوسری طرف جو ریٹائرڈ ارمی افسران ہیں اُن کے لیے جو چھ ہزار سی سی گاڑیاں امپورٹ کرنے پر جو ڈیوٹی ٹیکس ہے وہ بھی معاف کردیا گیا۔

قاٸد جمعیت کا جواب: دیکھیے مجھے اِس کے تفصیلات معلوم نہیں ہے، مجھے اتنا معلوم ہے کہ ممبران پارلیمنٹ کو موٹر ویز کے اوپر جہاں پر دو یا تین پواٸنٹس ہے زیادہ بھی نہیں ہے وہ پر استثنٰی دی گٸی تھی، بعد میں کچھ وقت کے لیے معطل کردی گٸی تھی، اب دوبارہ اُس کو بحال کیا گیا کہ وہ موٹر ویز کے اُن معاہدات میں لکھا ہوا ہے کہ کون کون لوگ مستثنٰی ہوں گے اُن میں ممبران پارلیمنٹ بھی ہے، تو اب جب بنیادی معاہدے میں آپ نے اِس حق کو تسلیم کیا ہے اِس استثنٰی کے حق کو، تو آج حکومت نے جب سوچا ہے کہ ہم تو معاہدے میں اِس کے پابند ہیں، اب آپ مجھے بتاٸے کہ پی آٸی اے کے ملازمین کو مراعات ہیں ٹکٹ ان کا مفت ہے، ریلوے کے اندر مراعات ہیں، واپڈا کے اندر مراعات ہیں، پارلیمنٹ لاجز میں مراعات ہیں، پارليمنٹ ہاوس کے اندر مراعات ہیں، عوام کا ایک نمائندہ اُس کی روز روز کون سی شادی ہے اسلام آباد میں، کہ وہ اپنی شادی کے لیے وہاں پر جاتا ہے، ظاہر ہے وہ عوام کے لیے جاتا ہے، عوام کے لیے اُس کا سفر ہوتا ہے، اور اُس کی تمام صورتیں وہاں دفتر میں پبلک کے ساتھ پھررہا ہوتا ہے، اور اگر کوٸی دینا چاہتا ہے تو کس نے روکا ہے، میں مستثنٰی ہو ناں، مجھ سے نہیں لیتے لیکن اگر میں دینا چاہوں تو وہ کہیں گے کہ آپ نہ دے، اِس طرح بھی نہیں ہے کوٸی جبری بات تو نہیں، تو ایک ایشو کو صرف اِس لیے کہ وہ سیاسی لوگ ہیں، پارلیمنٹ کے لوگ ہیں، تب بھی یہ کوٸی اتنا بڑا مسٸلہ نہیں ہے، پھر اُس معاہدے کو دیکھا جاٸے، پراٸم منسٹر صاحب جیسا کہیں گے اُس کے مطابق فیصلہ ہوگا، یہ کوٸی اتنا بڑا مسٸلہ نہیں ہے، ایک بات ذہن میں رکھے اور میں بطور مشورہ کے یہ وزیراعظم کو بھی کہنا چاہتا ہوں حکومتيں سوشل میڈیا پہ نہیں چلا کرتی۔

صحافی کا سوال: مولانا صاحب کیا آپ پنجاب میں تبدیلی دیکھ رہے ہیں ؟

قاٸد جمعیت کا جواب: دو تین ممبروں کی مات ہے، پاکستان میں کوٸی مشکل نہیں۔

صحافی کا سوال: توہین عدالت کیس میں عمران خان کو ریلیف دیا گیا ہے اِس حوالے سے کچھ کہنا چاہے گے۔

قاٸد جمعیت کا جواب: میرا مشورہ تو یہی تھا اور میں نے اپنے وکیلوں کو کہا بھی تھا کہ یوسف رضا گیلانی صاحب، نہال ہاشمی صاحب، دانیال اور دو چار اور حضرات جن کو سزاٸیں ملی ہے ، جس وقت اُس کو ریلیف دیا جارہا ہو اُس وقت وہ جج کے سامنے بیٹھے رہے تاکہ جج اُن کو دیکھتا رہے، اُن کی نظروں میں رہے کہ میں نے کل اُن کے ساتھ یہ کیا تھا اور آج اُس کے ساتھ میں یہ کررہا ہوں، جب پی ٹی آٸی کے اراکین کی ووٹ کی بات آتی ہے تو عمران خان پارٹی سربراہ ہے اُس کے خط کے مطابق وہ فیصلہ کریں گے اور نہیں کیا تو فتنے گنے جاٸیں گے، لیکن جب شجاعت صاحب کا رشتہ ہے تو کہتے ہے نہیں وہ تو پارلیمانی اراکین نے خود فیصلہ کرنا ہے، کچھ پتہ نہیں چلتا، اب ہمارے عدالتوں کے بارے میں ہم بات بھی کرتے ہیں تو ہمیں اِس کا بھی لحاظ ہوتا ہے کہ کبھی اُن کی بے احترامی نہ ہو جاٸے، تقدس میں کوٸی فرق نہ آجاٸے، لیکن جب اِس قسم کی چیزیں آٸیں گی تو لوگ اُس کے اوپر تبصرہ کریں گے، تاثرات تو آپ لوگ دیں گے، تو یہ چیزیں مشکل ہورہی ہیں، ایک معیار رکھا جاٸے اور وہ آٸین اور قانون ہو، اور وہ فیصلہ جو آپ نے پہلے ایک کے بارے میں دیا ہے دوسرے کے لیے بھی وہی معیار ہونا چاہیے، تو یہ جو روز روز ہم دیکھ رہے ہیں کہ اُن کو ریلیف دیا جارہا ہے تو پھر اِس کے پیچھے کوٸی ہوگا ناں، کہیں سے تو کوٸی دباؤ آٸے گا ناں، کہیں اسرا ٸیلی چینل بول رہا ہوگا، کہیں اقوام متحدہ کے فورم پر تشویش کا اظہار کیا جارہا ہوگا، تو ایک شخص کے لیے بین الاقوامی پریشر اِس طرح پاکستان میں آنا کبھی ذوالفقار علی بھٹو کی پھانسی پر ہوا ہے، نواز شریف کو جیل میں ڈالا گیا کبھی اُس پر تشویش کا اظہار ہوا ہے، اُس کو اقتدار سے الگ کیا گیا کبھی اُس پر تشویش کا اظہار ہوا ہے، تو یہ جو معیار مختلف ہو جاتے ہیں اور دوہرے معیار پر پوری دنیا بھی چل رہی ہے، ہمارے اگر عدالتیں چلتی ہے، اگر ہمارے ادارے چلتے ہیں تو میرے خیال میں یہی چیزیں ہیں جس نے قوموں کو تباہ کیا ہے۔

بہت شکریہ آپ کا بڑی نوازش

ضبط تحریر: #سہیل_سہراب

ممبر ٹیم جے یو آٸی سوات

#teamjuiswat