جمعیۃ علماء اسلام سیاست میں حق کی توانا آواز
✍🏻 محمد اسامہ پسروری
جب بھی پاکستان کی سیاسی تاریخ کا ذکر ہوگا، جمعیۃ علماء اسلام کا نام ایک روشن باب کی مانند جگمگاتا رہے گا۔ یہ وہ جماعت ہے جو سیاست کو محض طاقت کے حصول کا ذریعہ نہیں سمجھتی بلکہ اسے دین کی خدمت، عوامی فلاح، اور حق کی سربلندی کا میدان تصور کرتی ہے۔ جمعیۃ کی سیاسی جدوجہد نہ صرف عزم و استقامت کی علامت ہے بلکہ اسلام کے سیاسی و سماجی اصولوں کی عملی تصویر بھی پیش کرتی ہے۔
سیاست برائے خدمت، نہ کہ اقتدار
جمعیۃ علماء اسلام کی سیاست محض اقتدار کی ہوس یا ذاتی مفادات کے گرد نہیں گھومتی بلکہ اس کا محور و مرکز اسلام کے اصولوں پر مبنی ایک فلاحی معاشرے کا قیام ہے۔ یہ جماعت اقتدار کو ایک امانت سمجھتی ہے اور ہمیشہ کوشش کرتی ہے کہ عوام کے مسائل کا حل شریعت کے مطابق ہو۔
جمعیۃ نے پاکستان کے آئین کو اسلامی نظریات کے مطابق ڈھالنے کے لیے انتھک محنت کی۔ 1973 کے آئین میں اسلامی شقوں کی شمولیت میں جمعیۃ کا کردار سنہری حروف سے لکھے جانے کے قابل ہے۔ ختم نبوت کی حفاظت ہو یا اسلامی قوانین کا نفاذ، جمعیۃ نے ہر محاذ پر اپنا مضبوط مؤقف پیش کیا اور کبھی دباؤ کے سامنے سر نہیں جھکایا۔
جمہوری نظام کی پاسداری میں جمعیۃ نے ایک ایسا کردار ادا کیا ہے جو اس جماعت کو دیگر سیاسی جماعتوں سے ممتاز کرتا ہے۔ چاہے فوجی آمریت کا دور ہو یا جمہوریت کے خلاف کوئی سازش، جمعیۃ نے ہمیشہ آئین و قانون کی بالادستی کو یقینی بنانے کے لیے آواز بلند کی۔
جمعیۃ علماء اسلام کی سیاسی جدوجہد عوامی مسائل کے حل کی ایک شاندار مثال ہے۔ چاہے مہنگائی کے خلاف احتجاج ہو، اقلیتوں کے حقوق کا تحفظ ہو، یا خارجہ پالیسی میں پاکستان کے مفادات کا دفاع، جمعیۃ نے ہر میدان میں عوام کی ترجمانی کی ہے۔ ان کے قائدین نے ہمیشہ ایوانِ اقتدار میں غریب، مظلوم اور محروم طبقے کی آواز کو پہنچایا۔
جمعیۃ علماء اسلام کی سیاست کی سب سے بڑی خوبی اس کی استقامت ہے۔ وہ وقت بھی آیا جب اس جماعت کو دبانے کی کوشش کی گئی، اس کے خلاف پروپیگنڈے کیے گئے، لیکن جمعیۃ کے قائدین اور کارکنان نے کبھی اپنے اصولوں پر سمجھوتہ نہیں کیا۔
جمعیۃ کی سیاست کا دائرہ صرف پاکستان تک محدود نہیں بلکہ یہ جماعت امت مسلمہ کی ترجمانی کا حق بھی ادا کرتی ہے۔ فلسطین، کشمیر، شام، اور دیگر مظلوم اقوام کے حق میں جمعیۃ کی گرجدار آواز نے ہمیشہ عالمی طاقتوں کو جھنجھوڑا ہے۔
جمعیۃ علماء اسلام کی سیاسی کارکردگی ایک مشعلِ راہ ہے، جو اس بات کا ثبوت ہے کہ سیاست اگر اصولوں پر مبنی ہو تو یہ دین و دنیا دونوں کی کامیابی کا ذریعہ بن سکتی ہے۔ یہ جماعت پاکستان کی وہ توانا آواز ہے جو نہ صرف اپنے وطن بلکہ امت مسلمہ کے حقوق کی حفاظت کے لیے ہمیشہ میدان میں موجود رہتی ہے۔
جمعیۃ علماء اسلام کی جدوجہد اس عزم کا اظہار ہے کہ باطل کے مقابلے میں حق کی طاقت ہمیشہ غالب رہتی ہے۔ یہ جماعت نہ صرف سیاست بلکہ دلوں پر حکومت کرتی ہے۔ دعا ہے کہ اللہ تعالیٰ جمعیۃ علماء اسلام کو مزید کامیابیوں سے نوازے اور اسے اسلام و پاکستان کی خدمت کے لیے ہمیشہ سرخرو رکھے۔ آمین۔
.jpeg)
ایک تبصرہ شائع کریں