تونسہ شریف: شاہ سلیمان پارک میں مولانا فضل الرحمان کا امام اہلسنت و استحکام پاکستان کانفرنس سے خطاب

تونسہ شریف: شاہ سلیمان پارک میں مولانا فضل الرحمان کا امام اہلسنت و استحکام پاکستان کانفرنس سے خطاب

کانفرنس سے مولانا عبداللطیف تونسوی، انجینئر ضیاء الرحمان، مولانا امان اللہ قیصرانی، حافظ نصیر احمد احرار، خواجہ مدثر محمود، حافظ غضنفر عزیز، ملک سجاد وینس ایڈووکیٹ، مولانا یحییٰ عباسی، مولانا محمد صفی اللہ، مولانا جمال عبدالناصر، حاجی غلام عابد، مفتی سہیل نقشبندی، مفتی عبدالغفار قیصرانی ودیگر نے خطاب کیا۔ 

مولانا عبد الستار تونسوی ہماری تابندہ تاریخ کا حصہ ہیں. مولانا فضل الرحمان

ہماری مقتدرہ ہماری غربت کا غلط استعمال کرتی ہے۔ مولانا فضل الرحمان

اس خطے میں دیوبند کی آواز موجود ہے جب تک یہ آواز موجود استبداد اور جبر کے خلاف ہماری جنگ جاری رہے گی۔ مولانا فضل الرحمان

پختہ عقیدہ اور نظریہ ہماری آزادی کی ضمانت بن سکتا ہے۔ مولانا فضل الرحمان

غلامی سے بغاوت ہماری شناخت ہے اور یہ خطہ اس بغاوت کی علامت بننا چاہئے۔ مولانا فضل الرحمان

انسانیت کے لیے اس سے بڑا دھبہ کوئی نہیں ہوسکتا کہ کوئی آزادی بھیک مانگے۔ مولانا فضل الرحمان

غلامی کی ہم نے انگریز کے دور میں بھی نفی کی اب بھی اس سے بغاوت کرتے ہیں۔ مولانا فضل الرحمان

ہم آج بھی تہذیب اور بود و باش مغرب سے بھیک مانگ رہے ہیں ہمارے آباؤاجداد نے جس سے بغاوت کی تھی۔ مولانا فضل الرحمان

آج اسلامی دنیا مظلوم ہے شام عراق لبنان عراق آگ میں جل رہےہیں۔ مولانا فضل الرحمان

فساد کی جڑ تم ہو فساد کی جڑ ہم نہیں ہیں۔ مولانا فضل الرحمان

یہود و نصاری سے کہنا چاہتا ہوں کہ ہم نے تمہاری کتاب اور پیغمبر کو مانا ہے تم نے ہماری کتاب اور پیغمبر کا انکار کیا ماننے والا فساد کا سبب نہیں ہوتا انکار کرنے والا فساد کا سبب ہوتا ہے۔ مولانا فضل الرحمان

صہیونی سفاکیت نے ڈیڑھ سال میں ساٹھ ہزار انسانوں کا خون کیا ہے۔ مولانا فضل الرحمان

یادرکھو! جنگ میں شکست وہ کھاتا ہے جس کا سرجھک جائے جس کا سر کٹ جائے وہ شکست نہیں کھاتا۔ مولانا فضل الرحمان

امریکا اور یورپ انسانی حقوق کے قاتل ہیں تمہارے ہاتھوں سے انسانیت کا خون ٹپک رہا ہے۔ مولانا فضل الرحمان

نیتن یاہو بھی جنگی مجرم ہے وہ بھی انسانیت کا قاتل ہے۔مولانا فضل الرحمان

جمعیت علمائے اسلام پوری قوم کو پکار رہی ہے تمام مکاتب فکر یکجا ہوکر ایک موقف طے کرنا ہوگا۔ مولانا فضل الرحمان

ایک ہفتے کے اندر اندر قومی سطح کا کنونشن اسلام آباد میں بلاکر متفقہ موقف طے کیا جائے۔ مولانا فضل الرحمان

جمعیت علمائے اسلام نفاذ شریعت کی مستقل جدوجھد کا نام ہے۔ مولانا فضل الرحمان

ستتر سالوں میں سود کے متبادل کی بحث چلتی رہی ہم چھبیسویں ترمیم اس ک حل نکالنے میں کامیاب رہے۔ مولانا فضل الرحمان

ہم نے چھبیسویں ترمیم میں کوئی فیصلہ اپوزیشن جماعتوں کے مشورے کے بغیر نہیں کیا پھر نئے مسائل کیوں پیدا کئے جارہے ہیں۔ مولانا فضل الرحمان

وفاقی شرعی عدالت کو چھبیسویں ترمیم میں ہم نے مضبوط کیا۔ مولانا فضل الرحمان

اسلامی نظریاتی کونسل کی سفارشات پر بحث کو ہم نے آئینی طور پر لازم قرار دیا۔ مولانا فضل الرحمان

تمام مذہبی دنیا کو اکٹھا ہوکر چھبیسویں ترمیم میں موجود اسلامی دفعات کا تحفظ کرنا ہوگا۔ مولانا فضل الرحمان

حزب اختلاف کو وحدت کا مظاہرہ کرنا پڑے گا۔ مولانا فضل الرحمان

سرائیکی وسیب کی پسماندگی کو نواب اور جاگیردار بلیک میلنگ کے لیے استعمال کرتا ہے۔ مولانا فضل الرحمان

پی ڈی ایم ابھی تک نہیں ٹوٹی لیکن اس کا صدر اپوزیشن میں ہے اور باقی پارٹیاں حکومت میں ہیں۔ مولانا فضل الرحمان

جاری کردہ: میڈیا سیل جے یو آئی پنجاب