صوبائی قائدین کا ڈیرہ، بنوں، کوہاٹ، مالاکنڈ، ہزارہ، مردان اور پشاور ڈویژن کا دورہ مکمل
8 مئی کو صوبہ بھر سے انصار الاسلام کے رضاکاروں کو پشاور طلب کر لیا گیا
جے یو آئی کی صوبائی کمیٹی کے ارکان کی 9 مئی عوامی اسمبلی کے اجتماع کی سیکورٹی اور دیگر انتظامات کیے حوالے سے کمشنر اور ڈپٹی کمشنر سے ملاقات
جے یو آئی خیبر پختون خواہ کے ترجمان عبد الجلیل جان نے میڈیا کو 9 مئی اجتماع کے حوالے سے تفصیلی بریفننگ دیتے ہوئے کہا کہ جمعیت علماء اسلام کے زیر اہتمام بلوچستان اور کراچی کے بعد ان شاءاللہ 9 مئی پشاور دلہ زاک روڈ پر عوامی اسمبلی کا تاریخ ساز اجتماع ہوگا جس کے تمام تر انتظامات مکمل کر لیے گئے انہوں نے کہا کہ صوبائی امیر سینیٹر مولانا عطاء الرحمان، صوبائی جنرل سیکرٹری مولانا عطاء الحق درویش اور دیگر قائدین نے 20 اپریل سے 30 اپریل تک بنوں، ڈیرہ، کوہاٹ، مالاکنڈ، ہزارہ، مردان اور پشاور ڈویژن کا دورہ مکمل کر لیا ہے۔ انہوں نے کہا کہ انصار الاسلام کے 4000 رضاکار 9 مئی کے اجتماع کی سیکورٹی سنبھالیں گے، صوبہ بھر کے رضاکاروں کو 8 مئی پشاور طلب کر لیا گیا، جمعیت علماء اسلام خیبر پختونخوا کی قائم کردہ کمیٹی کے ارکان عبد الجلیل جان، مولانا امان اللہ حقانی، آصف اقبال داوٗدزئی، مئیر پشاور حاجی زبیر علی خان، محمد اسرار مروت اور مفتی فخر سیاب نے آج کمشنر پشاور اور ڈپٹی کمشنر سے کمشنر آفس میں ملاقات کی اور 9 مئی عوامی اسمبلی پشاور کے اجتماع کی سیکورٹی اور دیگر انتظامات پر تفصیلی تبادلہ خیال کیا۔ جے یو آئی کے صوبائی ترجمان عبد الجلیل جان نے مزید بتایا کہ صوبہ بھر بشمول قبائلی اضلاع سے قافلے 9 مئی 1 بجے تک پشاور جلسہ گاہ پہنچ جائینگے، قائد جمعیت مولانا فضل الرحمن پشاور میں عوامی اسمبلی کے تاریخ ساز اجتماع میں ملکی حالات، گزشتہ انتخابات اور ملک کے خلاف ہونے والے سازشوں سے قوم کو آگاہ کریں گے اور آئندہ کا لائحہ عمل بھی دینگے۔
.jpeg)
ایک تبصرہ شائع کریں